L'aqua de casa nostra

L'aqua nasse dal fondo
spinsendo soa torbida sabia.
Tanti anèi che se spande
a brasseto fa on giro tondo
che sbate e schissa soe sponde
e soa esca se sconde.

E riparte tra felci e sbrissia sol mus-cio
caressando e rame incrinae,
rane che canta, lussi che scampa.
A se slarga ceh a pare on canàe
e core sol leto de sassi,
fasendo on soneto a riva sol mare.

A se porta drio a so storia,
paesi, campi, ponti, stradine,
e par sempre rivive a memoria.
Momenti de vita che assa on segnae,
on bagno, on giro drento e so rive
me compagna el sogno soe aque sorgive.